NIN MONARQUIA NIN IMPUNIDÁ. POL DERECHU A DECIDIR
ESIXENCIA A TOLES FUERCIES POLÍTIQUES DEMOCRÁTIQUES:
NIN MONARQUIA NIN IMPUNIDÁ. POL DERECHU A DECIDIR
AHAZTUAK 1936-1977, FEDERACION ASTURIANA MEMORIA Y REPUBLICA (FAMYR), EQUIPO NIZKOR
Adhesiones: AGE (Asoc. Archivo, guerra y Exilio), Andecha Astur, ,
Énte l’abdicación esti llunes día 2 de Xunu de 2014 del monarca español Juan Carlos I de Borbón dende AHAZTUAK 1936-1977 (Victimas del golpe d’estáu, de la represión y del réxime franquista) y la FEDERACION ASTURIANA MEMORIA Y REPUBLICA (FAMYR) y dende la perspectiva de la nuesa llucha contra’l “modelu español d’impunidá” pa los crímenes y los criminales del franquismu; pol algame de tolos elementos de verdá, Xusticia y Reparación pa les victimas del réxime franquista y pola reivindicación y socialización de la Memoria Histórica Democrática y Antifacista, xera que venimos desendolcando dende hai casi diez años queremos sorrayar:
-Que tanto Juan Carlos I de Borbón como’l so fíu Felipe de Borbón destináu a asocedelu y la mesma Monarquía española a la que toos dos pertenecen son parte del entramáu responsable de la continuidá de la impunidá vixente hasta güei pa los crímenes y los criminales del réxime franquista y parte de la estratexa de negación repitida y enllargada hasta anguaño de derechos y llibertaes individuales y colectives a ciudadanos y Pueblos del estáu español ente ellos Euskal Herria y Asturies, y ente esos derechos los de les victimas del réxime franquista a la Verdá, la Xusticia y Reparación.
Por ello dende AHAZTUAK 1936-1977 (Víctimes del golpe, de la represión y del réxime franquista) Y la FEDERACION ASTURIANA MEMORIA Y REPUBLICA (FAMYR) esiximos a toes aquelles fuercies polítiques, instituciones y persones que se reclamen realmente democrátiques y por ello non monárquiques:
-1) Que nun fagan posible de nenguna forma’l recambiu sucesoriu d’un rei por otru, negándose a tomar parte na construcción de l’arquitectura xuridico-llegal necesaria pa ello y votando llegáu’l casu en contra de toles normes y disposiciones llegales y/o institucionales que puedan ser parte del procesu de sucesión.
-2) Que nun posibiliten de nenguna manera l’aprobación de lleis, alcuerdos o midíes destinaes a garantizar la impunidá de Juan Carlos I de Borbón énte cualesquier delitu cometíu nel so exerciciu como Rei y Xefe del Estáu ya inclusive nos delitos fondiaos na subsidariedá respecto de la Xefatura del Estáu que recibió y asumió directamente de manos del golpista y dictador Xeneral Francisco Franco Bahamonde. Tres la so abdicación esa responsabilidá puede y tien de ser reclamada porque puede y tien de ser asumida.
-3) Que s’impliquen de secute y realmente na apertura d’un procesu dinámicu y democráticu qu’incluya como principal elementu aglutinador l’activación, la movilización y la presión de la ciudadanía col envís d’algamar la plasmación efectiva de la reivindicación histórica del DERECHU A DECIDIR dientro del cual inclúise’l facer efectiva la elección per parte de la ciudadanía de tol Estáu español ente Monarquia y República y tamién la posibilidá de decidir que tipu de rellación quieren caltener col Estáu español pa la ciudadanía de los distintos territorios de dichu estáu qu’asina lo quieran, con especial y clara referencia nestos momentos a Cataluña y Euskal Herria por ser aquellos onde más adelantáu ta esti requirimientu, pero tamién a cualesquier otru territoriu que puea dquerelo.
AHAZTUAK 1936-1977
FEDERACION ASTURIANA MEMORIA Y REPUBLICA (FAMYR)
Adhesiones a famyr@memoriayrepublica.org
