POLA TERCERA REPÚBLICA
POLA TERCERA REPÚBLICA
Un añu más volvemos a les cais pa lluchar contra esti sistema y contra esti réxime
monárquicu deriváu del franquismu. Esixendo la proclamación d’una República xusta,
social y democrática, y la rotura de la Constitución del 78.
Foi un 14 d’abril de 1931, tres les elecciones municipales del día 12 d’abril, cuando
los sectores populares del Estáu Español tomaron por fin les riendes del so destín.
Les conquistes consiguíes mientres la Segunda República choquen cola perda de
derechos sociales y de llibertaes colectives ya individuales que sufrimos anguaño.
Mientres la Segunda República impulsóse l’alfabetización del pueblu y consiguióse,
tres sieglos de intromisión de la Ilesia Católica, la llaicidá de la educación. Anguaño
les reformes del gobiernu van en contra d’estos principios, cola LOMCE la educación
pierde la so calidá y da más pesu a la relixón. Per otra parte, foi cola República
cuando per primer vegada les muyeres del Estáu Español conquistaron el so derechu
a albortar en 1937, convirtiéndose n’unu de los estaos más progresistes d’Europa.
Anguaño, la llei del albuertu de Gallardón acuta brutalmente el derechu a albortar,
pasando a engrosar la llista de países más reaccionarios d’Europa nesta materia.
Atopámonos nuna situación desesperada. Con más de seis millones de paraos, miles
de families desahuciaes y la baltadera de los servicios públicos los y les trabayadores
viven una situación crítica. N’Asturies conocemos los efectos devastadores d’esta
crisis, los diversos conflictos y lluches nos sectores públicu, priváu y nos movimientos
sociales con una gran cantidá de compañeros y compañeres que lluchen pol so
puestu de trabayu, los sos derechos y contra esti sistema. Nunes condiciones cada
vez m´ss díficiles vista la creciente criminalización de la protesta social col retayu de
los derechos civiles y la manipulación informativa.
Esti sistema sofitáu por una monarquía corrupta, heriede y cómpliz del réxime más
sangrín de la nuesa hestoria. Una monarquía que llueñe de ser “campechana”, ye
collacia y aliada de los grandes empresarios y banqueros d’esti Estáu, chiscada por
dellos casos de corrupción y blindada poles lleis.
Ye hora de dar un pasu alantre, ye hora de baltar esti sistema dependiente de los
organismos del gran capital y de recuperar la nuesa soberanía frente a la Troika. Hai
que recuperar los principios republicanos de solidaridá, xusticia ya igualdá, de
reconocer el calter plurinacional del Estáu Español garantizando a los pueblos el so
derechu de decidir el modelu d’estáu y la so pertenencia a los organismos
supraestatales como la UE o la OTAN. En definitiva, ye la hora de construyir ente toos
y toes una República democrática, xusta y progresista.
Siempres dende l’alcordanza a toes y toos aquellos cayíos, torturaos, encarcelaos y
reprimíos pol franquismu. So los principios de verdá, Xusticia y Arreglu devolver la
dignidá a los represaliaos, condergar los crímenes de la dictadura, xulgar a los
criminales y recuperar la identidá y hestoria de los republicanos y antifascistes del
¡Puxa la República! ¡A pola III República!
Entamen: Ateneo Obrero de Xixón, Sociedad Cultural Gijonesa, Federación Asturiana de
Memoria y República (FAMYR), Ateneo Republicano de Castrillón, Asturias Laica, Corriente
Sindical d’Izquierda (CSI), Sindicatu Unitariu y Autónomu de Trabayadores de la Enseñanza
d’Asturies (SUATEA), Unión de Juventudes Comunistas de España (UJCE), Juventud
Comunista de Asturias (JCA), Partido Comunista de Asturias (PCA), Izquierda Asturiana (IAS),
Izquierda Anticapitalista Asturies (IZAN), Unión por la III Repúblca- Asturies, Unión
Proletaria-PTD, Iniciativa Comunista d’Asturies y Izquierda Xunía-Xixón