El PAS congratúlase pola concesión d’una cai a Isidro del Río en Xixón

Metiera nel Rexistru Municipal delles propuestes pa dedicar un espaciu al alcalde federalista.

Dende va tiempu l’Agrupación de Xixón del Partíu Asturianista (PAS) venía pidiendo al Ayuntamientu de Xixón la dedicación d’un espaciu públicu (una plaza, unos xardinos, una cai o un parque) a la figura d’Isidro del Rio, un políticu, ex alcalde de la ciudá que nun tenía nengún tipu de reconocencia per parte d’esti conceyu.

El Partíu Asturianista, dempués de que’l Conceyu decidiera faer oyíos sordos a los pidimientos fechos por rexistru, decidió convocar una concentración ante la Casa Consistorial. Isidro del Río por ser el primer alcalde federalista de la II República y un personaxe bien importante que quería progresu, democracia, llibertá y autonomía pa Xixón y Asturies.

Dende la PAS feliciten «en primer llugar a la familia» por esta noticia y allegrense porque’l Conceyu «paez faer casu al pidimientu que fiximos yá fai casi un añu faza una persona que merecía un espaciu públicu, ante la falta de memoria histórica de PSOE-IU y PP».

http://infoasturies.net/index.php?option=com_content&view=article&id=9331:el-pas-congratulase-pola-concesion-duna-cai-a-isidro-del-rio-en-xixon&catid=148:hestoria&Itemid=106