Actu n’homenaxe a les víctimes de la represión facista.
Actu n’homenaxe a les víctimes de la represión facista.
La organización de mocedá d’izquierda soberanista DARRÉU prepara pa
esti sábadu 28 de setiembre un actu d’alcordanza y homenaxe a les
víctimes del facismu d’ayeri y de güei. Dende la organización de
mocedá entendemos que ye pernecesariu nun escaecer la nuesa hestoria y el
sacrificiu y enfotu que punxeron los/es nuesos/es paisanos/es na llucha
contra’l capital y el facismu.
Les víctimes del franquismu siguen ensín un reconocimientu oficial y la
mayoría de los familiares d’éstes siguen ensín saber el paraderu de les
persones asesinaes pol facismu español. Dende Darréu entendemos que
tenemos qu’acabar con esta situación y faer un reconocimientu realmente
dignu a los asturianos y les asturianes que defendieron el nuesu país
inclusive cola so vida de les garres facistes.
La mocedá soberanista y revolucionario convoca a toles persones y
coleutivos a los que-yos preste la iniciativa a participar nesti homenaxe.
Esti actu de dignidá y alcordanza sedrá’l prósimu sábadu 28 na
llocalidá llangreana de Frieres y entamará a les 13:30 hores. El llugar
escoyíu ye dellau de la cancha de fúbol sala, onde s’alcuentra un
monolitu n’homenaxe a los vecinos de Frieres y Los Sotos víctimes del
franquismu.
Per otru llau, queremos tresmitir el nuesu sofitu públicu a la
manifestación “Asturies en pie” que convoquen dellos coleutivos
sindicales y sociales en La Felguera a les 19:00 hores contra’l
desmantelamientu de les cuenques.
¡Asturies nun escaez! ¡Participa y esparde!
